Kandidati presidencial i Ekuadorit, Fernando Villavicencio, është qëlluar për vdekje teksa po largohej nga një ngjarje e fushatës në Quito, disa ditë përpara zgjedhjeve ku çështja qendrore është rritja e dhunës dhe krimit.
Videot në mediat sociale tregojnë Villavicencio, një ish-gazetar i cili kishte bashkëpunuar me Guardian dhe ishte i hapur për lidhjet e dyshuara midis krimit të organizuar dhe politikës, i rrethuar nga mbështetës dhe i shoqëruar nga rojet e sigurisë në një automjet në pritje kur dëgjohen të shtënat me armë zjarri ndërsa njerëzit fillojnë të bërtasin dhe mbulohen.
Në një fjalim televiziv të bërë pas mesnate, presidenti i vendit, Guillermo Lasso, tha se zgjedhjet do të vazhdonin siç ishte planifikuar, megjithëse nën një gjendje të jashtëzakonshme dymujore në të cilën ushtarët do të ruanin qendrat e votimit.
I rrethuar nga anëtarët e kabinetit dhe autoritetet zgjedhore, ai tha: “Jemi dakord përballë humbjes së një patrioti dhe një luftëtari, zgjedhjet nuk duhet të pezullohen; përkundrazi, ato duhet të mbahen dhe të forcohet demokracia”.
Ai shpalli tri ditë zie kombëtare.
“Dua t’u them atyre që duan të kërcënojnë shtetin, ne nuk do t’ia dorëzojmë pushtetin dhe institucionet demokratike krimit të organizuar edhe pse ai është i maskuar si organizata politike,” shtoi ai.
Një i dyshuar për vrasjen vdiq nga plagët e marra gjatë shkëmbimit të zjarrit që pasoi, tha zyra e prokurorit të përgjithshëm, ndërsa gjashtë u arrestuan në lidhje me sulmin.
Duke folur në skenën e të shtënave, xhaxhai i Villavicencio, Galo Valencia, fajësoi shtetin që nuk i dha nipit të mjaftueshëm sigurinë dhe përshkroi se si mendonte se të shtënat ishin fishekzjarre të nisura nga mbështetësit derisa “pamë se kishte të plagosur që ranë, gjak, njerëz të plagosur. “.
“Ajo që ne dëshmuam ishte si një film horror. Vdekja e të afërmit tim. Nuk kam fjalë për atë që po ndodh në vend. Ata thjesht vranë demokracinë”, tha ai.
“Në çfarë pasigurie jetojmë … nëse një njeri që luftoi më shumë se 20 vjet, me më shumë gjasa për të fituar zgjedhjet, heshtet. A është kjo mënyra për të fituar zgjedhjet?”
Presidenti i Ekuadorit në largim, Guillermo Lasso, ka shpallur një gjendje të jashtëzakonshme në mbarë vendin për 60 ditë në përgjigje të vrasjes së kandidatit presidencial Fernando Villavicencio në një tubim të fushatës në kryeqytetin, Quito.
Villavicencio, 59 vjeç, një kritik i zëshëm i korrupsionit dhe krimit të organizuar, u vra në aktivitetin e fushatës të mërkurën mes një rritjeje të dhunës në vendin e Andeve për të cilën fajësohen trafikantët e drogës.
/Argumentum.al
