Qeveria gjermane i ka kërkuar ambasadorit gjerman në Moskë, Alexander Graf Lambsdorff, të vijë në Berlin për një javë konsultimesh pas sulmeve kibernetike ndaj Partisë Social Demokratike (SPD) në pushtet dhe kompanive gjermane.
Një zëdhënëse e Ministrisë së Jashtme në Berlin foli për një “procedurë standarde” të hënën. “Qeveria gjermane e merr shumë seriozisht këtë ngjarje si sjellje kundër demokracisë sonë liberale dhe institucioneve që e mbështesin atë.
Sulmet kibernetike ndaj SPD-së dhe kompanive gjermane nga sektorët e logjistikës, mbrojtjes, hapësirës ajrore dhe shërbimeve të IT janë bërë publike kohët e fundit.
Javën e kaluar, Ministrja e Jashtme gjermane Annalena Baerbock tha se Berlini fajëson një njësi të shërbimit të inteligjencës ushtarake ruse GRU për një sulm kibernetik të vitit 2023 ndaj SPD-së së qendrës së majtë.
“Hakerët rusë të shtetit kanë sulmuar Gjermaninë në hapësirën kibernetike”, tha Baerbock gjatë vizitës së saj në Australi në Adelaide./dpa-argumentum.al
