Ukraina sulmoi rajonin perëndimor të Kurskut të Rusisë më 6 gusht dhe ka goditur një pjesë të territorit në sulmin më të madh të huaj ndaj Rusisë që nga Lufta e Dytë Botërore. Presidenti Vladimir Putin tha se do të kishte një përgjigje të denjë nga Rusia ndaj sulmit.
Sergey Lavrov, tha se Perëndimi po kërkonte të përshkallëzonte luftën në Ukrainë dhe po “kërkonte telashe” duke marrë në konsideratë kërkesat e Ukrainës për të përdorur armët e furnizuara nga Perëndimi.
Kërkesat e Ukrainës për leje nga Perëndimi për të goditur thellë territorin rus me raketa Storm Shadow janë shantazh, tha ministri i Jashtëm rus Sergey Lavrov në një konferencë shtypi pas bisedimeve me ministrin e Jashtëm të Jemenit Shaya Mohsen al-Zindani.
“Ky është shantazh, është një përpjekje për të krijuar përshtypjen se Perëndimi dëshiron të shmangë përshkallëzimin e tepruar, por në fakt kjo është dredhi. Perëndimi nuk dëshiron të shmangë përshkallëzimin, Perëndimi kërkon telashe, thënë troç. Mendoj se kjo tashmë është e qartë për të gjithë”, tha ai.
Lavrov paralajmëroi se Perëndimi po luante me zjarrin sa herë që fillonte diskutimet për këtë temë.
“Për një kohë të gjatë ne kemi dëgjuar këto spekulime për lejimin e përdorimit jo vetëm të Storm Shadow, por edhe të raketave me rreze të gjatë veprimi të SHBA. Meqë ra fjala, një burim anonim në Uashington tha se një punë e tillë është duke u zhvilluar. Kërkesa e Ukrainës po shqyrtohet në një mënyrë përgjithësisht pozitive”, tha Lavrov. “Tani po konfirmojmë edhe një herë se të luash me zjarrin – dhe ata janë si fëmijët e vegjël që luajnë me qirinj – është një gjë shumë e rrezikshme për të rriturit të cilëve u janë besuar armët bërthamore në një ose një vend tjetër perëndimor.”
Më herët, zyrtarët e qeverisë britanike bënë deklarata kontradiktore në lidhje me dhënien e lejes për Kievin për të përdorur raketat Storm Shadow për sulme thellë në territorin rus. Sipas mediave britanike, Londra po krijon qëllimisht konfuzion për ta mbajtur Rusinë në errësirë për pozicionin e saj real.
Që nga pushtimi i Ukrainës në vitin 2022, Putin ka paralajmëruar vazhdimisht për rrezikun e një lufte shumë më të gjerë që përfshin fuqitë më të mëdha bërthamore në botë, megjithëse ai ka thënë se Rusia nuk dëshiron një konflikt me aleancën e NATO-s të udhëhequr nga SHBA.
“Tani po konfirmojmë edhe një herë se të luash me zjarrin – dhe ata janë si fëmijët e vegjël që luajnë me shkrepse – është një gjë shumë e rrezikshme”, u tha Lavrov gazetarëve në Moskë.
Ministri i Jashtëm rus shtoi se Rusia po “sqaronte” doktrinën e saj bërthamore. Doktrina bërthamore e Rusisë 2020 përcakton momentin se kur presidenti do të konsideroj të arsyeshëm përdorimin e një arme bërthamore.
/Argumentum.al
