Analisti amerikan për Çështjet e Ballkanit, Edward P.Joseph në konferencën ‘Balkanomic’, ka folur për konfliktin në Ballkan dhe vizitën e shefit të CIA-s dhe bllokimin e integrimit të Shqipërisë sepse Bullgaria po bllokon Maqedoninë e Veriut,
”Në Ballkan një tregues shumë i rëndësishëm është fakti që një zyrtar i SHBA, që është kritik për ndalimin e konflikteve është William Burns, drejtues i CIA-s, ka qenë i angazhuar.
Ky para një muaj ishte në Sarajevë, Beograd e Prishtinë. Kjo është mënyra më koncize që mund të përmbledhim situatën në rajon e cila është përkeqësuar, dhe shefi i CIA-s ka ardhur vetëm sepse situata ka qenë serioze.
William Burns nuk ishte këtu për të fyer liderët, as për t’ju thënë që po bëjnë një punë shumë të mirë. I gjithë rajoni po përkeqësohet, ai s’do ishte këtu nëse situata nuk do të ishte seriozë. Ata janë të shqetësuar, ata thonë se politika ka dështuar.
Para se të niste pushtimi rus në Ukrainë. Ukraina e kishte tregtinë më të madhe me Rusinë. Këtu s’ka mirëbesim. Tregtia nuk është e barabartë me mirëbesim. Tregtia mes demokracive është e baraz me besim, por kjo funksionon vetëm në BE.
Ky është edhe shqetësimi im për Ballkanin e Hapur, Shqipëria dhe Maqedonia e Veriut u larguan, pasi vendet e tjera u larguan nga nacionalizmi i madh serb si Kosova, Mali i Zi, Kroacia, Bosnje-Hercegovina, asnjë nuk donte të ishte pjesë. Ndaj edhe Shqipëria e Maqedonia u larguan, pasi tregtia funksionin mbi vlerat përbashkëta.
Shqipëria nuk po hyn në BE, pasi është bllokuar. Ky është fakt, që Shqipëria nuk po hyn në BE sepse Bullgaria po bllokon Maqedoninë e Veriut, për çështje entiteti stil serb apo rus . Është e padrejtë që Shqipëria të bllokohet, nëse ndahet do të ketë pasoja me Maqedoninë e Veriut”, tha ai.
