Ish-lideri sirian Bashar al Assad ka lëshuar deklaratën e tij të parë që nga rënia e regjimit të tij.
Në deklaratën e tij të parë pas arratisjes nga Siria, lideri i rrëzuar i regjimit, Bashar al-Asad, ka pretenduar se gjatë luftimeve ai u strehuar në një bazë ruse dhe nga aty, me udhëzimet e Moskës, u dërgua në Rusi. Asad publikoi një deklaratë me shkrim lidhur me arratisjen e tij në llogaritë zyrtare të mediave sociale të regjimit të përmbysur Baath në Siri.
Duke pretenduar se iu desh kohë për të bërë një deklaratë për “arsye sigurie”, Asad pretendon se arratisja e tij nga Siria nuk ishte planifikuar dhe se ai vazhdoi detyrën e tij duke qëndruar në Damask deri në mëngjesin e 8 dhjetorit.
Asad argumentoi se kur opozita arriti në Damask, ai shkoi në Latakia për të menaxhuar përleshjet në koordinim me Rusinë, dhe kur mbërriti në bazën ajrore Hmeimim, u bë e qartë se forcat e regjimit kishin humbur pozicionin e tyre ushtarak.
Duke pretenduar se baza ushtarake ruse ku ai u strehua u sulmua nga mjete ajrore pa pilot, Asad thotë se në mbrëmjen e 8 dhjetorit, Moska udhëzoi Komandën e Bazës Ajrore Hmeimim të organizonte “evakuim” të menjëhershëm për të në Rusi.
Asad pretendon se ai kurrë nuk kishte menduar të tërhiqej apo të kërkonte azil gjatë ngjarjeve.
/Argumentum.al
