Shtetet e Bashkuara dhe Rumania të dy kundërshtojnë përfundimin e tubacionit Nord Stream 2 me arsyetimin se ai do të bëjë që aleatët në rajon të varen nga Rusia për furnizimin e tyre me energji, thanë Presidentët Donald Trump dhe Klaus Iohannis në një deklaratë të përbashkët.
“Shtetet e Bashkuara dhe Rumania pranojnë se siguria e energjisë është siguria kombëtare,” tha deklarata të martën. “Ne nënvizojmë kundërshtimin tonë ndaj Nord Stream 2 dhe projekteve të tjera që i bëjnë aleatët dhe partnerët tanë të varur nga energjia nga Rusia.”
Shtetet e Bashkuara dhe Rumania do të punojnë së bashku se si të përmirësojnë klimën e investimeve të energjisë në ish, thanë Trump dhe Iohannis.
“Ne i nxisim më tej industritë tona të punojnë ngushtë së bashku për të mbështetur qëllimet e energjisë bërthamore civile të Rumanisë,” u tha ne deklarate.
Shtetet e Bashkuara kanë kritikuar në mënyrë të përsëritur tubacionin e gazit ruso-evropian Nord Stream 2, duke përmendur kërcënime të dyshuara të sigurisë dhe duke sugjeruar se Evropa do të bëhej shumë e varur nga Rusia. Senati amerikan po shqyrton vendosjen e sanksioneve kundër ndërtimit të saj, i cili do të përfundojë këtë vit.
Burimi: Sputniknews
Përshtati në shqip: Argumentum.al
© Argumentum.
