Rusia do t’i përgjigjet dëbimit të diplomatit të saj nga Bullgaria, tha Zëvendës Ministri i Jashtëm rus Aleksandër Grushko.
“Ne patjetër do t’i konsiderojmë masat e reagimit, kjo është ajo që kërkon diplomacia”, u tha Grushko gazetarëve.
Bullgaria tha më herët se Rusisë i ishte kërkuar të tërhiqte një diplomat pasi ai u akuzua për spiunazh. Diplomati thuhet se është larguar nga vendi.
Sipas agjencisë së lajmeve Focus, Ministria e Jashtme Bullgare ka kërkuar që Rusia të tërheqë diplomatin pas një deklarate të prokurorit të përgjithshëm të vendit duke thënë se zyra e tij po përfundon një hetim kundër një qytetari rus që dyshohet se punon për shërbimet e inteligjencës ruse për shkak të statusit të tij diplomatik .
Prokurorët bullgarë së fundmi kanë akuzuar Nikolay Malinov, kryetarin e Lëvizjes Kombëtare Rusofile në Bullgari, për spiunim për institucione dhe organizata të caktuara ruse, përfshirë Institutin Rus për Studime Strategjike, dhe për pastrim parash të dërguara prej tyre./sputniknews/
