Në një intervistë me RT të premten, Lavrov tha se Moska po rishikonte informacionin që tregonte se mercenarë nga Shqipëria, Kosova dhe Bosnja po rekrutohen për t’u vendosur në Donbass për të nxjerrë jashtë ekuilibrit Rusinë.
“Kancelari gjerman Olaf Scholz dhe të gjithë liderët e tjerë të NATO-s thonë se aleanca është mbrojtëse. Presidenti rus Vladimir Putin, në konferencën e tij për shtyp pas bisedimeve me Scholz, i kujtoi atij bombardimin e Jugosllavisë në vitin 1999. Scholz tha se NATO ndërhyri për të parandalimi i një gjenocidi të shqiptarëve të Kosovës, se gjithçka u bë me sukses dhe se tani ky rajon po lulëzon”, tha Lavrov, raporton media ruse Spuntniknews
Por rajoni është “larg nga lulëzimi”, sipas Lavrov. “Kosova dhe disa pjesë të tjera të Ballkanit Perëndimor po bëhen një terren pjellor për krim. Ka terroristë, tregtarë droge. Është një terren rekrutimi për mercenarët që marrin pjesë në konflikte të cilat po nxiten gradualisht, duke përfshirë edhe Shtetet e Bashkuara. Ka informacione se mercenarët po rekrutohen në Kosovë, Shqipëri, Bosnje dhe Hercegovinë dhe po dërgohen në Donbass, ndër të tjera, për të nxjerrë jashtë ekuilibrit Rusinë. Ne po e rishikojmë këtë informacion tani”, tha ministri i Jashtëm.
Udhëheqësit perëndimorë kanë shprehur frikë prej muajsh se Rusia mund të planifikojë një pushtim të fqinjit të saj dhe kanë vënë në dukje raportet për një grumbullim trupash në kufirin e përbashkët të dy vendeve, si dhe stërvitjet me Minskun si një pararendës potencial.
Kremlini ka refuzuar vazhdimisht se një ofensivë është në skenë dhe ka kërkuar të marrë marrëveshje sigurie që do të kufizonin aktivitetin e NATO-s në Evropën Lindore, si dhe zgjerimin e bllokut.
