Ka nisur sot trajnimi i punonjësve të policisë për procesin zgjedhor të 30 qershorit.
I pranishëm në aktivitet ishte edhe ambasadori i OSBE, Bernd Borchardt, i cili tha se policia duhet të garantojë njerëzit se rezultatet përfundimtare pasqyrojnë vullnetin politik të të gjithë shoqërisë shqiptare.
“Jam i sigurt se sjella profesionale e institucioneve publike, duke përfshirë edhe policinë e shtetit mund të shtojnë tek njerëzit garancinë se vota e tyre me të vërtet është e vlefshme dhe se rezultatet përfundimtare pasqyrojnë vullnetin politik të të gjithë shoqërisë shqiptare.
Kam besimin se policia e shtetit do të jetë asnjanëse në këtë proces kaq të rëndësishëm dhe do të sillet me profesionalizëm dhe dinjitet“, tha Borchardt.
