Kryeministri malazez, Dritan Abazovic ka thënë se nëse ka raund të ri të bisedimeve mes Kosovës e Serbisë, do të donte që Mali i Zi të jetë nikoqir.
“Personalisht, do të doja të zgjeroja ofertën time, nëse ka raunde të reja të bisedimeve mes Kosovës e Serbisë, t’i mirëpres ata në Mal të Zi”, tha Abazoviq për The Pavlovic Today.
“Ne nuk jemi pjesë e dialogut, por personalisht, besoj që propozimi evropian është një zgjidhje e mirë që është fitore për Kosovën dhe Serbinë. Ajo është rruga që duhet të ndjek rajoni. Rruga e normalizimit është e duhura për rajonin si hap i parë, dhe në fund pasi të plotësohen kriteret, anëtarësimi në BE është qëllimi final i të gjithë rajonit”, tha ai.
Kujtojmë që takimi i fundit mes Kosovës e Serbisë u mbajt më 18 mars në Ohër të Maqedonisë së Veriut.
