Ambasada Amerikane në Tiranë ka dalë më një thirrje për qytetarët e saj, pak para fillimit të protestës së opozitës.
“Një demonstrim i madh pritet të zhvillohet pranë Zyrës së Kryeministrit të hënën, më 8 korrik 2019, duke filluar rreth orës 20:00. Grupi ka për qëllim të demonstrojë kundër qeverisë shqiptare dhe mund të lëvizë në vende të ndryshme në Tiranë. Kohëzgjatja e demonstratës së pritshme është e panjohur”, thuhet në njoftimin e ambasadës.
Ambasada i bën thirrje qytetarëve të saj që të shmangin grumbullimet ku do zhvillohet protesta.
“Demonstrimet e kohëve të fundit kanë përfshirë dhunën. Forcat e sigurisë kanë përdorur uji dhe gaz lotsjellës për të shpërndarë turmat”.
