Banesa avokatit Edmond Saliu ka rënë pre e grabitjes. Lajmi konfirmohet për mediat nga avokati Edmond Saliu, sipas të cilit hajdutët kanë marrë 350 milionë lekë.
Saliu ka deklaruar në polici se i janë vjedhur 350 milionë dhe se autorët kanë marrë kasafortën, e cila mbahej e mbyllur me çelës.
Policia ka nisur hetimin e ngjarjes që është kualifikuar si “vjedhje banese”. Gjatë vjedhjes, nuk ka pasur asnjë thyerje të dritareve apo dyerve të banesës.
Policia dyshon se vjedhja mund të jetë kryer nga persona të afërm të familjes. Uniformat blu thanë se këto dyshime shtohen, për shkak se autorët nuk kanë përdorur dhunë në banesë.
Policia tha se dyshohet se autorët kanë hyrë në çelës, kanë marrë kasafortën me lekë dhe më pas janë larguar.
