Ministria e Bujqësisë dhe Zhvillimit Rural, ka financuar dhjetëra sipërmarrje në agrobiznes me 60% të vlerës së kontratave nga skema e IPARD, çka pritet të ndikojnë në zbutjen e dëmit të COVID-19 në sektorin rural.
Në kushtet e situatës së krijuar nga COVID-19, Ministria e Bujqësisë ka hartuar planin strategjik të masave për të garantuar vazhdimësinë e zinxhirit ushqimor në vend dhe për të mbështetur fermerët dhe agrobiznesin në amortizimin e dëmeve.
Në fokus të planit strategjik për sektorin e agropërpunimit, është financimi i investimeve në linjat përpunuese të perimeve të freskëta, me qëllim që prodhimet që nuk shiten të mos shkojnë dëm.
Ndërsa financmi nga Skemat Kombëtare, që ofron qeveria për sektorin e bujqësisë adresojnë, shkojnë drejtpërdrejtë tek fermeri.
Bujqësia dhe industria ushqimore nuk është prekur nga masat e kufizimit të lëvizjes ndaj COVID-19 dhe trendi pozitiv i rritjes së prodhimit të këtij sektori po vijon.
