Kryeministri Edi Rama ka reaguar pas pendesës së Xhelal Mziut, pas një thirrje të bërë nga vetë ai dje, se kushdo i dyshuar për blerje votash do e priste i njëjti fat siç ndodhi me Pjerin Xhuvanin i cili u vra në Elbasan
Postimi i plotë e Kryeministrit Rama:
Ndjesa e këtij trogloditi nuk vlen asnjë qindarkë! Ky është një subjekt i vetëdeklaruar i drejtësisë penale, ndërsa kjo soj politike duhet të jetë subjekt i Drejtësisë Popullore në 25 prill!
Kush vjen në pushtet duke vrarë, dhunuar e kërcënuar edhe pushtetin e ushtron duke vrarë, dhunuar e kërcënuar!
Populli duhet t’u tregojë këtyre gangove me kravata dhe atyre që janë armatosur për të sjellë ndryshimin së prapthi në Shqipëri, se Shqipëria dhe shqiptarët nuk kthehen më mbrapsht!
Në 25 prill votohet për fëmijët që s’kanë të drejtë vote, por që asnjë borxh nuk u kanë prindërve të tyre kthimin e reve të zeza të së shkuarës mbi kokat e tyre!
Shqiptarë e shqiptare kudo që jeni, nga Tropoja e Kukësi në Konispol e Sarandë, nga Durrësi në Elbasan e Korçë, nga Shkodra në Lezhë e në Tiranë e Dibër, nga Berati, në Fier, Gjirokastër dhe Vlorë!
Tregojeni me votën tuaj, forcën e madhe të karakterit që Shqipëria kërkon sot prej të gjithë ne, në rrugën drejt majës ku duhet të vazhdojmë të ngjitemi, për ta bërë Shqipërinë zonjën që Zoti deshi, kur i fali bujarisht bukuritë e saj përrallore
https://www.facebook.com/edirama.al/videos/1529214684089193/?__cft__[0]=AZV7gYhgZp1oSSoFecTNrxNFrPaAjz5IThpvYV89ErMAPPYvROsJzv3UdN1vtjmMfz6XoDliQ9xQ_c_doI_m_G1JnPDRxYf41qFvhv5mFHnrvmoJeEq4uKmw-dSiZGy6BeQxxArNXYluAy6PgKtJ_O8LMbSAHZHjzR6vhcNEyVtg1g&__tn__=%2B%3FFH-R
