Kryeministri Edi Rama i shoqëruar nga minstrja e Shëndetësisë Ogerta Manastirliu ndoqën nga afër procesin e vaksinimit të mjekëve të Kosovës në Kukës.
Ai tha para kamerave se Shqipëria nuk do t’i lere vetëm mjekët e Kosovës, por do të marrë përsipër vasksinimin e 11 mijë bluzave të bardha.
Më tej kryeministri ironizoi edhe gjestin e Vuçiç, ku tha se “ai shoku në Beograd luan me kukulla në Facebook”, duke iu referuar hartës që postoi në rrjete sociale presidenti serb, ku paraqitej Kosova me flamurin e Serbisë.
“Prej disa kohësh i kemi bërë me dije ministrisë Kosovës që jemi të gatshëm të kontribuojmë. Kontrata me kompanitë e vaksina janë shumë strikte dhe nuk lejon ritransportimin e vaksinave. Pra nënkupton marrjen e një sasie të caktuar nga një vend, nuk mund të përdoren nga një vend tjetër. Kjo është arsye edhe pse kur morëm atë sasi të parë nga një vend mik nuk nxorëm emrin për të mos futu në sherr vendin mik me kompaninë.
Pati një vonesë, kjo ndodhi pas asaj hartës së leshit që nxorri ai shoku në Beograd që luan kukulla në Facebook.
Ne jemi 1, për atë punojmë dhe ëndërrojmë të gjithë. Kemi ndryshime por kemi një rrugë. Jam i lumtur që kemi çarë bllokadën e pamundësisë për vaksinimin. Presim një sasi të konsiderueshme së shpejti dhe mjekët e Kosovës nuk do i lemë vetëm me shpresë që InshAllah në Kosovë do të venë vaksinat. Të 11 mijë bluzat e bardha të Kosovës do i bëjmë nëse Kosova nuk merr vaksinat”, tha Rama.
