Kreu i Partisë së Lirisë Ilir Meta ka kallëzuar sot penalisht anëtarët e Autoritetit të Dosjeve duke i akuzuar për disa shkelje.
Meta thotë se ky institucion ka bërë shkelje të rënda dhe të qëllimshme në shërbim të shantazhit politik, për llogari të Edi Ramës.“Të dashur qytetare dhe qytetarë, Sot kam kallëzuar penalisht anëtarët e Autoritetit të Dosjeve për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit, për manipulimet dhe falsifikimet flagrante në shërbim të shantazhit politik, për llogari të Edi Ramës. Për më shumë detaje, do të zhvilloj një konferencë shtypi në funksion të transparencës para të gjithë qytetarëve shqiptarë”, shkruan Meta në një postim në Facebook.
Ish-kreu i Shtetit i akuzon për 6 vepra penale:
1) Falsifikim i Dokumenteve shtetërore, parashikuar nga neni 186 i Kodit Penal;
2) Falsifikimi kompjuterik, parashikuar nga neni 186/a i Kodit Penal;
3) Falsifikimi i vulave, i stampave ose i formularëve, parashikuar nga neni 190 i Kodit Penal;
4) Shpërdorim Detyre, parashikuar nga neni 248 i Kodit Penal;
5) Përhapja e informatave të rreme që ngjallin panik, parashikuar nga neni 267 i Kodit Penal; 6) Zbulimi i akteve ose të dhënave sekrete, parashikuar nga neni 295/a i Kodit Penal; të kryera në bashkëpunim
Më tej ai shkruan se do të zhvillojë një konferencë për gazetarët për të dhënë edhe më shumë detaje për kallëzimin e bërë ndaj Autoritetit të Dosjeve.
Postimi:
Të dashur qytetare dhe qytetarë,
Sot kam kallëzuar penalisht anëtarët e Autoritetit të Dosjeve për shkeljet e rënda dhe të qëllimshme që i kanë bërë ligjit organik për dosjet e ish-Sigurimit të Shtetit, për manipulimet dhe falsifikimet flagrante në shërbim të shantazhit politik, për llogari të Edi Ramës.
Për më shumë detaje, do të zhvilloj një konferencë shtypi në funksion të transparencës para të gjithë qytetarëve shqiptarë.