Forcat e mbështetura nga Shtetet e Bashkuara shpallën të shtunën kapjen e territorit të fundit të Shtetit Islamik në Siri, duke eliminuar sundimin e tij mbi një “kalifat” të vetëshpallur, por xhihadistët mbeten ende një kërcënim nga qelizat e fjetura në të gjithë botën.
Fillimisht një degë e Al Kaedës, ISIS mori pjesë të mëdha të Irakut dhe Sirisë nga viti 2014, duke imponuar një sundim terrori me vrasje publike dhe sulme nga mbështetësit jashtë vendit, por më pas u mposhtën në fshatin Baghouz.
“Ne shpallim sot shkatërrimin e të ashtuquajturit organizatë të Shtetit Islamik dhe fundin e kontrollit të saj tokësor në xhepin e tij të fundit, në Baghouz”, tha komandanti i përgjithshëm i Forcave Demokratike të Sirisë (SDF) Mazloum Abdi, në një ceremoni fitoreje.
Luftëtarët e SDF, që kishin rrethuar Baghouzin për disa javë, ndërsa aeroplanët gjuanin nga lart, parakaluan në kujtim të 11.000 shokëve të vrarë në vitet e luftës kundër IS. Ndërsa banda ka luajtur edhe himnin kombëtar amerikan.
Pavarësisht nga euforia, disa të shtëna dhe zjarr e mortaja vazhduan të shtunën në mëngjes, sipas një gazetari të Reuters në Baghouz. Dhe Abdi paralajmëroi se fushata kundër kërcënimeve të fshehta të militantëve, duhet të vazhdojë.
Disa luftëtarë të ISIS ende mbahen në një shkretëtirë të largët të Sirisë qendrore dhe në qytetet e Irakut, ata kanë rënë në hije, duke organizuar sulme ose rrëmbime.
Shtetet e Bashkuara besojnë se udhëheqësi i grupit, Abu Bakr al-Bagdadi, është në Irak. Ai u vendos mes xhamisë mesjetare në Mosul në vitin 2014, për të deklaruar veten kalif, sovran mbi të gjithë myslimanët.
Më tej, xhihadistët në Afganistan, Nigeri dhe vende të tjera nuk tregojnë asnjë shenjë të rivendosjes së besnikërisë dhe shërbimet e inteligjencës thonë se mbështetësit e ISIS-it në Perëndim mund të programojnë sulme të reja.
