Kryeministri i Malit të Zi, Milojko Spajiç deklaroi në takimin e liderëve nga rajoni kushtuar Planit të Rritjes për Ballkanin Perëndimor dhe të miratuar nga Komisioni Evropian, se kjo konferencë është mundësi për investitorët e Ballkanit Perëndimor, sipas gazetaexpress.com.
”Është takim i rëndësishëm jo vetëm për vendet e Ballkanit Perëndimor, por edhe për investitorët që duan të investojnë në këto vende”, deklaroi Spajiç.
Me shpresën se do të mund të gjejnë rrugën para në drejtim të krijimit të një tregu të përbashkët rajonal si parakusht për afrimin drejt Bashkimit Evropian, liderë të gjashtë vendeve të Ballkanit Perëndimor kanë nisur konferencën e përbashkët rajonale që ka të bëjë me planin e rritjes për këtë rajon.
Fondet e premtuara nga Komisioni Evropian janë gjashtë miliardë euro të cilat do të jepen në formë të granteve dhe kredive të buta për investime kapitale në përafrimin me BE-në.
Mirëpo parakusht për përfitimin e këtyre fondeve janë reformat e kërkuara ku në qendër është krijimi i një tregu të përbashkët rajonal por edhe adresimi i reformave sidomos në fushën e sundimit të ligjit si mënyrë për tërheqjen e investitorëve
