Emisari i posaçëm i Bashkimit Evropian për dialogun Kosovë-Serbi, Mirosllav Lajçak, deklaroi sot se është koha që procesi i dialogut Prishtinë-Beograd të përfundojë me sukses.
“Sot janë saktësisht 10 vjet që kur Asambleja e Përgjithshme e Kombeve të Bashkuara mirëpriti gatishmërinë e Bashkimit Evropian për të ndërmjetësuar në procesin e dialogut midis Beogradit dhe Prishtinës. Është koha që ai të përfundojë me sukses,” shkroi Lajçak në Twitter.
Vendimi i OKB-së erdhi pasi në një opinion të Gjykatës Ndërkombëtare të Drejtësisë thuhej se, shpallja e pavarësisë nga Kosova ishte në përputhje me ligjin ndërkombëtar. Gjykata vendosi se, shpallja e pavarësisë më 17 shkurt 2008 nuk shkel asnjë ligj ndërkombëtar.
<blockquote class=”twitter-tweet”><p lang=”en” dir=”ltr”>Today marks 10 years since <a href=”https://twitter.com/hashtag/UNGA?src=hash&ref_src=twsrc%5Etfw”>#UNGA</a> welcomed the readiness of the 🇪🇺 to facilitate a process of dialogue between Belgrade and Pristina. It’s high-time to bring it to a successful end.</p>— Miroslav Lajčák (@MiroslavLajcak) <a href=”https://twitter.com/MiroslavLajcak/status/1303749185603239945?ref_src=twsrc%5Etfw”>September 9, 2020</a></blockquote> <script async src=”https://platform.twitter.com/widgets.js” charset=”utf-8″></script>
Një raund tjetër bisedimesh midis kryeministrit të Kosovës Avdullah Hoti dhe presidentit të Serbisë Aleksandar Vuçiq u mbajt të hënën në Bruksel, si pjesë e një dialogu nën kujdesin e BE-së.
Pas negociatave, Lajçak tha se “përparim i plotë” ishte bërë në tema të hapura më parë, bashkëpunimin ekonomik dhe personat e zhdukur dhe të zhvendosur.
Një takim i nivelit të ekspertëve do të mbahet javën e ardhshme dhe Hoti e Vuçiq do të takohen përsëri para fundit të shtatorit.
