Vetëvrasjet tek ‘Shefqet Ndroqi’/ Artan Koni: Duhet të dimë se si po mjekohen këta paciente. T’u jepen përgjigje urgjente këtyre pyetjeve

Vetëvrasjet e dy pacientëve me koronavirus, të shtruar në Spitalin “Shefqet Ndroqi”, në harkun kohor të pak ditëve, kanë shokuar opinionin publik shqiptar dhe shumë mjekë kanë ngritur zërin duke kërkuar transparencë për atë çfarë ndodh brenda mureve të këtyre spitaleve. Kjo, edhe pas denoncimeve të të afërmëve të pacientëve, që thonë se nuk dinë çfarë bëhet me familjarët e tyre në spital.

Mjeku i njohur kirurg, Artan Koni, nepermejt një postimi në rrjetin social facebook  kërkon që sa më shpejt të jepet informacion nga stafi shëndetësor në spitalet Covid, cili është protokolli i trajtimit që përdorin me këta pacientë.

“As Infektivi e as Shefqet Ndroqi nuk kanë bërë ende publik protokollet e trajtimit. Instituti i Shëndetit Publik i kërkon shefave të shërbimeve të jenë transparentë me skemat e mjekimit që përdorin. Duhet të dimë se si po mjekohen keta paciente.

Nuk dua te besoj se pacientet marrin ilace te cilet mund t’i c’rregullojne psikologjine…uroj qe mos te marrin ilace te tilla…gjithsesi transparenca shuan cdo hije dyshimi per skema mjekimi te gabuara.”, shkruan ndër të tjera mjeku.

Postimi i plote

Per te thene: “Vetevrasjet ne spitalet COVID ndodhin nga gjendja e renduar psikologjike”, duhet me pare te sigurohemi qe pacientet nuk marrin ndonje mjekim i cili mund t’i c’rregulloje perkohesisht psikologjine.

As Infektivi e as Shefqet Ndroqi nuk kanë bërë ende publik protokollet e trajtimit. Instituti i Shëndetit Publik i kërkon shefave të shërbimeve të jenë transparentë me skemat e mjekimit që përdorin. Duhet të dimë se si po mjekohen keta paciente. Shqipëria nuk ka ende protokolle zyrtare të mjekimit për COVID, nderkohe qe shume shtete kane protokollet e tyre kombëtare.

Nuk dua te besoj se pacientet marrin ilace te cilet mund t’i c’rregullojne psikologjine…uroj qe mos te marrin ilace te tilla…gjithsesi transparenca shuan cdo hije dyshimi per skema mjekimi te gabuara. Ministria e shendetesise duhet te kontrolloje se c’po ndodh brenda dyerve te mbyllura te ketyre spitaleve. Nuk eshte normale qe anetaret e komitetit teknik per COVID-in nuk kane dijeni se me cfare medikamentesh mjekohen pacientet. Po kuptojme qe spitalet COVID nuk ia jepkan kete informacion komitetit teknik. Po ministrise ia japin?…apo ia japin personalisht vetem Rames?

I duhet dhene urgjentisht pergjigje ketyre pyetjeve:
1- si i kane emrat ilacet?
2- me cfare doze jepen?
3- perse mjekimi te Infektivi eshte i ndryshem nga ai te Shefqet Ndroqi?

Kush i jep te drejten morale drejtuesve te Infektivit apo Shefqet Ndroqit ta mbajne te censuruar nje informacion te tille??

artan koni spitalet vetevrasje