Vit i Ri Hebraik shënon njohjen reciproke Kosovë – Izrael/ Netanjahu letër liderve kosovarë

Kryeministri i Izraelit, Benjamin Netanyahu, i është drejtuar qytetarëve të Kosovës dhe komunitetit hebraik në Kosovë, me rastin e vitit të ri hebraik.

Ishte paralajmëruar një videomesazh i Netanyahut në Prishtinë, por organizatorët e festës për vitin e ri hebraik kanë thënë se kjo s’ka mundur të realizohet, për shkak të dallimit të zonave kohore.

Megjithatë, kryeministri izraelit i është drejtuar kosovarëve me një letër.

Ai ka thënë se zhvillimet e fundit, pra vënia e raporteve diplomatike, mes Kosovës dhe Izraelit, nisin një epokë të re të bashkëpunimit mes dy popujve.

Në këtë Vit të Ri, e zgjat dorën time të miqësisë për popullin e Kosovës. Zhvillimet e fundit mes Izraelit dhe Kosovës mund të jetë një fillim i një epoke të re, nga e cila do të përfitojnë popujt e dy vendeve. Jam optimist se mund të arrijmë aq shumë duke punuar së bashku, dhe është shpresa ime e sinqertë se do ta shohim këtë të realizohet. E vlerësoj thellësisht angazhimin e vazhdueshëm të komunitetit hebraik në Kosovë për të afruar”, thuhet në letrën e Netanyahut