Vjosa Osmani: "Rruga e Kosovës ka qenë gjithnjë përplot sfida, Shqipëria të jetë zëri ynë ku nuk kemi zë”

Presidenti Meta dhe Osmani pas takimit kokë më kokë dhe mes delegacioneve kanë mbajtur një konferencë të përbashkët për mediat, duke u fokusuar në çështjet e bashkëpunimit mes dy vendeve, procesin e integrimit evropian dhe në aspektet mbështetjes së Shqipërisë për Kosovën.

Presidentja në detyrë e Kosovës, Vjosa Osmani, ripërsëriti nga Tirana zyrtare të vërtetën e madhe të luftës në Kosovë që sipas saj po tentohet të manipulohet.

Serbia ka kryer genocid, krime lufte dhe kruime kundër njerëzimit në Kosovë, deklaroi Osmani, dhe jo anasjelltas.

E për ti dhënë zë kësaj të vërtete, Osmani kërkoi Shqipërinë në krah.

 Dhe tani është përplot sfida rruga jonë tutje kur pra syve tanë po tentohet të përmbyset e vërteta. E vërteta është se në Kosovë është Serbia ajo që ka kryer gjenocid dhe krime lufte dhe krime kundër njerëzimit, nuk ka një të vërtetë tjetër dhe këtë të vërtetë e ka parë e gjithë bota mbarë sepse ka ndodhur para syve të botës.

Image may contain: 2 people, people standing, shoes, tree and outdoor

Por në mënyrë që të mos lejojmë që të përmbyset e vërteta ne sërisht kemi nevojë për ndihmën e Shqipërisë, kemi nevojë që Shqipëria të na qëndrojë pranë dhe të jetë zëri ynë aty ku nuk kemi zë, qofshin ata mekanizma rajonalë apo edhe organizata ndërkombëtare ku po tentohet të paraqitet një pasqyrë për Republikën tonë e cila fare nuk ka të bëjë me realitetin.

Presidenti meta tha se “E sigurova Presidenten në Detyrë të Republikës së Kosovës, Vjosa Osmani për vullnetin tim të palëkundur, për të kontribuar për forcimin e mëtejshëm të marrëdhënieve tona vëllazërore, duke vënë të gjitha energjitë dhe potencialet ende të pashfrytëzuara në shërbim më të mirë të së ardhmes europiane të të dy vendeve tona.

Vlerësuam të gjitha mundësitë, që e bëjnë edhe më konkret bashkëpunimin, veçanërisht nëpërmjet konkretizimit të Partneritetit Strategjik.

Marrëdhëniet shumë të mira kanë nevojë të gjenerojnë edhe më shumë mundësi praktike, në mënyrë që kufiri ndërshtetëror të bëhet jo vetëm i padukshëm, por dhe që qytetarët, bizneset, artistët, sportistët, intelektualët, njerëzit e shkencës dhe në veçanti të rinjtë tanë, të afrohen e të shkëmbejnë eksperienca me njëri-tjetrin, dije, përvojë e kulturë, duke forcuar identitetin dhe mbrojtur më mirë vlerat tona kombëtare

"Vlerësuam të gjitha mundësitë që e bëjnë edhe më konkret bashkëpunim midis dy vendeve tona, veçanërisht nëpërmjet konkretizimit të partneritetit strategjik, në mënyrë që të jemi një shembull edhe për sa i takon standardeve të demokracisë, por njëkohësisht për sa i takon përparimit të procesit të integrimit evropian në rajonin tonë. Marrëdhëniet shumë të mira ndërshtetërore kanë nevojë të gjenerojnë edhe më shumë mundësi praktike në mënyrë që kufiri ndërshtetëror të bëhet jo vetëm i padukshëm, por edhe qytetarët tanë, bizneset, artistët, sportistët, intelektualët, të rinjtë tanë edhe më shumë të afrohen dhe shkëmbejnë eksperienca me njëri-tjetrin", u shpreh Meta.

Presidenti Meta theksoi se ka siguruar Osmanin se Shqipëria do të vazhdojë të mbështesë pavarësinë, sovranitetin dhe integritetin territorial të Republikës së Kosovës, sepse, sipas tij, “jemi të bindur jo vetëm në legjitimitetin e saj të plotë ndërkombëtar, por edhe për faktin se një Kosovë me integritet të plotë territorial, sa më parë anëtare e OKB-së i shërben sigurisë dhe zhvillimit të rajonit dhe njëkohësisht edhe të gjitha vendeve tona”.

"Vlerësova qëndrimin dinjitoz dhe shpreha mbështetjen time ndaj ish-drejtuesve të institucioneve të Republikës së Kosovës dhe të Ushtrisë Çlirimtare të Kosovës si dhe gatishmërinë e plotë të tyre për t'u përballur me drejtësinë në mënyrë për të konfirmuar edhe një herë drejtësinë e luftës së popullit të Kosovës përballë gjenocidit monstruoz serb në zemër të Evropës", tha më tej presidenti i Shqipërisë.

Duke iu referuar pandemisë COVID-19, Meta tha se kanë treguar vullnetin dhe gatishmërinë për të bashkëpunuar më ngushtë midis dy vendeve, në mënyrë që, sipas tij, "ta kapërcejmë me një kosto sa më të lehtë këtë betejë të përbashkët madhore".

"Rruga e Kosovës ka qenë gjithnjë përplot sfida"

Omani theksoi gjatë konferencës se me presidentin Meta kanë diskutuar për bashkëpunimin në shumë fusha, që nga ekonomia deri te menaxhimi i pandemisë. Ajo tha se diskutuan se si të bëhet më efektiv bashkëpunimi në aspektin e fuqiimit ndërkombëtar të Kosovës.

"Rruga e Kosovës ka qenë gjithnjë përplot sfida. Ka qenë përplot sfida i gjithë procesi ynë i shtetndërtimit, por Shqipërinë gjithnjë e kishim në krah. Dhe tani është përplot sfida rruga jonë tutje kur para syve tanë po tentohet të përmbyset e vërteta. E vërteta është që në Kosovë është Serbia ajo që ka kryer gjenocid, krime lufte dhe krime kundër njerëzimit. Nuk ka një të vërtetë tjetër dhe këtë të vërtetë e ka parë e gjithë bota mbarë me sytë e vet, sepse ka ndodhur para syve të botës. Por në mënyrë që të mos lejojmë që të përmbyset e vërteta, ne sërish kemi nevojë për ndihmën e madhe të Shqipërisë, kemi nevojë që Shqipëria të na qëndrojë pranë", u shpreh Osmani.

Ndër çështjet e tjera ajo përmendi edhe kërkesën që Kuvendi i Shqipërisë të miratojë rezolutën që do të dënonte, sipas saj, gjenocidin serb në Kosovë.

“Çështja tjetër që e falënderova presidentin Meta ishte për qëndrimin tij të prerë kundër idesë së tmerrshme dhe aventurës së rrezikshme për ndryshim kufijsh. Biseduam për procesin integrues në BE. Në të njëjtën kohë për ne është po aq i rëndësishëm integrimi në NATO”, tha Osmani.

Presidentja në detyrë e Kosovës, Vjosa Osmani, ripërsëriti nga Tirana zyrtare të vërtetën e madhe të luftës në Kosovë që sipas saj po tentohet të manipulohet.

Serbia ka kryer genocid, krime lufte dhe kruime kundër njerëzimit në Kosovë, deklaroi Osmani, dhe jo anasjelltas.

E për ti dhënë zë kësaj të vërtete, Osmani kërkoi Shqipërinë në krah.

 Dhe tani është përplot sfida rruga jonë tutje kur pra syve tanë po tentohet të përmbyset e vërteta. E vërteta është se në Kosovë është Serbia ajo që ka kryer gjenocid dhe krime lufte dhe krime kundër njerëzimit, nuk ka një të vërtetë tjetër dhe këtë të vërtetë e ka parë e gjithë bota mbarë sepse ka ndodhur para syve të botës.

Por në mënyrë që të mos lejojmë që të përmbyset e vërteta ne sërisht kemi nevojë për ndihmën e Shqipërisë, kemi nevojë që Shqipëria të na qëndrojë pranë dhe të jetë zëri ynë aty ku nuk kemi zë, qofshin ata mekanizma rajonalë apo edhe organizata ndërkombëtare ku po tentohet të paraqitet një pasqyrë për Republikën tonë e cila fare nuk ka të bëjë me realitetin.

Diskutuam me zotin President sesi mund ti bëjmë dhe më efektive këto bashkëpunime në aspektin e fuqizimit ndërkombëtar të Republikës sonë sepse përderisa kemi prezencë në disa prej këtyre mekanizmave, Kosova akoma nuk ka ulëse në një numër të madh të organizatave ndërkombëtare dhe aty do të kemi nevojë të intensifikohet ndihma nga Shqipëria dhe në të njëjtën kohë të rritet zëri i Shqipërisë.

Image may contain: 2 people, people standing

Osmani gjithashtu tha se diskutoi me Metën kërkesën që Kuvendi i Shqipërisë të miratojë rezolutën për dënimin e genocidit serb në Kosovë

Kuvendi jonë e ka miratuar këtë deklaratë ku flitet për krimet e kryera nga Serbia dhe kërkohet që përgjegjësit të dalin para drejtësisë dhe është krejtësisht e natyrshme që presim që vendi i dytë që ta bëjë këtë pas Kosovës është Shqipëria.

Jashtë vëmendjes së diskutimeve mes dy presidentëve nuk kanë mbetur dhe ekonomia dhe situata e rëndë me pandeminë në dy shtetet.

Osmani kërkoi bashkëpunim mes Shqipërisë dhe Kosovës për sigurimin e vaksinës anti-Covid.

 Diskutuam për bashkëpunim në shumë fusha që nga ekonomia deri te menaxhimi i pandemisë. Në dy vendet tona jemi të shqetësuar që sidomos përqindja e qytetarëve tanë që kanë humbur jetën nga ky virus i tmerrshëm është shumë i lartë. Ne nuk duhet ti ndalim përpjekjet për menaxhimin e këtij virusi dhe nuk duhet të dorëzohemi para tij.

Diskutuam për rritjen e bashkëpunimit për tu furnizuar për vaksinën anti-Covid, BE do të sigurojë vaksinën vetëm për 20% të popullatës sonë por kjo nuk është e mjaftueshme dhe nëqoftëse bashkarisht si dy shtete punojmë për të siguruar furnizimin për pjesën tjetër të qytetarëve tanë besoj se ky bashkëpunim do të rezultojë me sukses më të madh sesa nëqoftëse funksionojmë ndarazi në këtë aspekt.

Nga ana e tij Meta shprehu solidaritetin me rezolutën dhe këtë gjë e kërkoi edhe nga institucionet e tjera shqiptare.

Dua të shpreh solidaritetin më të plotë me rezolutën e Kuvendit të Kosovës që dënonn genocidin serb të ndodhur në Kosovë dhe është një moment për të kërkuar drejtësi deri në fund për të gjitha viktimat e këtij genocidi dhe të kësaj dhune pasi ende e dimë që vrasësit e vëllezërve Bytyçi janë të lirë dhe gëzojnë dhe mbrojtje të veçantë dhe pse ka një rezolutë të Kongresit amerikan për këtë çështje. Por dimë edhe mijëra raste të dhunimeve dhe përdhunimeve të ndodhura në Kosovë dhe të pagjeturve ende. Besoj se të gjithë institucionet e Shqipërisë do të tregojnë solidaritetin e tyre

Në ditën e parë të vizitës, Osmani fillimisht ka vizituar qytetin e Lezhës, ku ajo është pritur nga  kryebashkiaku Pjerin Ndreu dhe më pas ka vizituar memorialin e Skënderbeut në këtë qytet.

Gjatë vizitës, Osmani do të takohet edhe me kryeministrin e Shqipërisë, Edi Rama, kryeparlamentarin Gramoz Ruçi dhe do të mbajë një fjalë përshëndetëse në seancën e Kuvendit të Shqipërisë.

Është paraparë që ajo të takohet edhe me kryetarin e Partisë Demokratike të Shqipërisë, Lulzim Basha, me kryebashkiakun e Tiranës, Erion Veliaj, dhe ish-presidentin dhe ish-kryeministrin e Shqipërisë, Sali Berisha.

© Argumentum.