Xhaçka takon ambasadoren Kim: Partneriteti me SHBA, gur themel për politikën tonë të jashtme

Ministrja për Evropën dhe Punët e Jashtme, Olta Xhaçka ka zhvilluar një takim me ambasadoren e SHBA në Tiranë, Yuri Kim.

Znj. Xhaçka e cila ka marrë detyrën më 5 janar, thotë se ka biseduar me diplomaten amerikane për thellimin e bashkëpunimit mes dy vendeve.

“Gjithmonë  kënaqësi të shoh ambasadoren amerikane në Tiranë, Yuri Kim. Një takim konstruktiv se si të thellojmë bashkëpunimin strategjik mes Shqipërisë dhe SHBA. Partneriteti i Shqipërisë me SHBA është gur themel për politikën tonë të jashtme. E lumtur që marr garanci për vijimin dhe zgjerimin e mbështetjes”, shkruan kryediplomatja e Shqipërisë.