Kosova feston sot 13- vjetorin e pavarësisë/ Flamuri shtetëror ngrihet para Qeverisë nga Garda e FSK-së,

Në rastin e 13-vjetorit të pavarësisë së Kosovës para Qeverisë është bërë ngritja e flamurit shtetëror nga Garda Ceremoniale e FSK-së,

Kosova këtë të mërkurë feston 13 vjetorin e shpalljes së pavarësisë. Në këtë ditë institucionet kanë paraparë disa aktivitete.

Në mesin e tyre, dy ish-partiakët, Vjosa Osmani dhe Avdullah Hoti do të jenë bashkudhëheqës në dy prej tyre.

Presidentja në Detyrë Vjosa Osmani dhe kryeministri Avdullah Hoti në orën 08:00 do të jenë pjesë e ngritjes së flamurit shtetëror nga garda ceremoniale e FSK-së që do të bëhet në oborrin e Qeverisë së Kosovës. Disa orë më vonë, saktësisht në ora 12:00, do të mbahet manifestimi qendror i shënimit të 13-vjetorit të Pavarësisë në Forcën e Sigurisë së Kosovës.

Ngritja e flamurit shtetëror është bërë me ceremoni nga Garda Ceremoniale e Forcës së Sigurisë së Kosovës(FSK).

Image result for kosova 13 vjet shtet

Pas ngritjes së flamurit shtetëror, Osmani ka uruar Ditën e Pavarësisë së Kosovës.

“Ngritja e flamurit shtetëror. Urime dita e pavarësisë së shtetit tonë të dashur”, ka shkruar Osmani. Pas kësaj Osmani ka bërë homazhe tek varri i ish-presidentit Ibrahim Rugova.

Edhe kryeministri në detyrë i Kosovës, Avdullah Hoti ka shkruar pas ngritjes së flamurit shtetëror tek Qeveria e Kosovës.

Hoti shkruan se “Me ceremoninë e ngritjes së flamurit shtetëror nga Garda Ceremoniale e FSK-së, filluam manifestimet për shënimin e 13 vjetorit të shpalljes së pavarësisë së Republikës së Kosovës”.