Speciale/ NATO nis në Shqipëri stërvitjen ushtrake “Defender Europe 21”. SHBA: “Krah për krah me Shqipërinë”

Drejtuesit e stërvitjes “Defender Europe 21” zhvilluan sot ( 04.05) në portin detar të Durrësit ceremoninë e Ditës së Vizitorëve të Shquar.

NATO ka nisur në Shqipëri stërvitjen ushtarake “Defender 21” me mijëra trupa nga SHBA dhe vende të tjera anëtare të saj. Në Portin e Durrësit nisi sot stërvitja e madhe, me dislokimin që ndodh për herë të parë që prej Luftës së Dytë Botërore, në Europë, ku do të demonstrohen aftësitë ndërvepruese të Shteteve të Bashkuara me ushtritë partnere të NATO-s, për sigurinë në Ballkanin Perëndimor dhe rajonet e Detit të Zi.

Sipas përfaqësuesve të ushtrisë amerikane, kjo është stërvitja më e madhe në Ballkanin perëndimor qysh nga Lufta e Dytë Botërore. Në të marrin pjesë mbi 30 mijë trupa nga 25 shtete, ku Shqipëria është pjesëtare dhe një qendër mikpritëse e saj.

Stërvitja ushtarake, e organizuar nga ushtria amerikane në Europë dhe Afrikë, ku marrin pjesë rreth 28 mijë trupa nga 26 vende aleate dhe partnere, do të zhvillohet në 7 baza të ndryshme në vendin tonë.

“Defender 21” që u çel sot do të zgjasë deri në 9 Qershor.

Image

Shqipëria është një nga 16 vendet mirëpritëse në zhvillimin e kësaj stërvitjeje ushtarake. Forcat tona të Armatosura, do të përfaqësohen me rreth 1000 trupa.

Ndërkohë 28.000 trupa shumëkombëshe do të kryejnë aktivitete pothuajse në të njëjtën kohë në më shumë se 30 zona trajnimi, të shtrira në 12 vende. Krahas Shqipërisë, në stërvitje marrin pjesë edhe vendet e tjera të Ballkanit perëndimor, anëtarë të NATO-s; Kroacia, Maqedonia e Veriut dhe Mali i Zi.

Gjenerali Tod Wolters: Shqipëria vend me rëndësi strategjike

Gjenerali Tod Wolters, Komandant i Komandës Europiane të Shteteve të Bashkuara të Amerikës dhe Komandant Suprem i Aleatëve Europian të NATO-s në fjalën përshëndetëse në ceremoninë e nisjes së stërvitjes Defender Europe 21 tha se nga pranimi në NATO Shqipëria ka qemë më e sigurtë. Duke folur për stërvitjen ai theksoi se pandemia s’duhet të kthehet në një krizë sigurie.

“Dua të falenderoj gjithë këtë komb kaq të bekuar. Më lejoni tju shpreh ngushëllimet të gjithë ata që kanë humbur poersonat e dashur nga Covid-19 dhe t’u falënderoj për vigjilencën e këtij kombi që kjo pandemi të mos mayterializohet në një krizë. Kemi një rrugë të gjatë përpara.

Dua të falënderoj edhe autoritetet ushtarake për këtë stërvitje ushtarake dhe ju e dini se sot kemi provën e asaj që duhet të bëjmë, të përirësojmë të gjithë transparencën strategjike. Ne ndodhemi këtu sot dhe shohim bregdetin dhe duhet të kujtojmë se çfarë ndodhi gjatë luftës së dytë botërore. I gjithë pushtim i Normandidsë ligjistika në tokë dhe det, do ulemi të shohim se çfarë prove e vështirë është kjo.

Të dëshmojmë se kjo stërvitje dhe sicili prej nesh të jetë përgjegjës të reagojmë më mirë dhe ta përmbushim këtë test më së miri. Nga pranimi në Nato na ka dhënë një Shqipëri më të sigurt një pjesë perëndimore më të sigurtë. Ne përmirësohemi ditë pas dite dhe jemi më të fortë të gjithë së bashku”, tha Gjenerali Tod Wolters

Ky vend është eksportues i sigurisë dhe arsyeja pse mund ta themi të sigurt këtë është vrulli që keni demonstruar, nga hyrja në NATO në vitin 2009 deri më sot, çka na ka ofruar një Shqipëri më të sigurt, një qendër jugore më të sigurt, një Ballkan më të sigurt, një Mesdhe më të sigurt, dhe një Atlantik më të sigurt.

Sot jemi më të sigurt se kurrë më parë. Ju vërtetoni çdo ditë se jemi më të sigurt bashkë. Faleminderit shumë.

Peleshi: Faqe e re në historinë e lidhjes transatlantike, por edhe të miqësisë me SHBA

Ministri i Mbrojtjes, Niko Peleshi deklaroi sot se stërvitja “Defender Europe 21″ do të shkruajë një faqe të re në historinë e lidhjes transatlantike, por edhe të miqësisë me SHBA.

Kemi fatin e mirë, tha ministri, të jemi pjesë e stërvitjes më të madhe të zhvilluar ndonjëherë në vendin tonë dhe rajon. Kemi gjithashtu përgjegjësinë, vijoi ai, për të dëshmuar se Shqipëria dhe kapacitetet e saj të mbrojtjes janë në lartësinë e kërkuar nga aleatët.

Peleshi u shpreh se “Defender Europë 21” vjen si një gur themeli i fortë i miqësisë së shkëlqyer që SHBA dhe Shqipëria kanë zhvilluar ndër vite.

“Një stërvitje e përmasave të tilla në përvjetorin e 30-të të rivendosjes së marrëdhënieve diplomatike ndërmjet dy vendeve tona e bëjnë këtë përvjetor edhe më kuptimplotë. Ju jemi mirënjohës që zgjodhet Shqipërinë si vendin mikëpritës për këtë stërvitje dhe në të njëjtën kohë, ju siguroj se vullneti ynë për të qëndruar në krahun tuaj në çdo rrethanë, sfidë dhe përpjekje është i palëkundur. Kjo stërvitje është shprehje e vullnetit të aleatëve për të qëndruar së bashku dhe për të luftuar së bashku në mbrojtje të jetës, pronës dhe lirisë së qytetarëve”, deklaroi ministri.

Image

Forcat e Armatosura të Republikës së Shqipërisë si pjesë integrale e kësaj stërvitjeje, tha ai, kanë një mundësi të artë për të rikonfirmuar se janë në lartësinë e duhur, jo vetëm në vlerësimin e aleatëve tanë të vyer, por edhe në sytë e qytetarëve tanë.

“Nuk duhet të harrojmë për asnjë moment se dashuria e shqiptarëve për SHBA është e pakushtëzuar, po ashtu dëshira për të qenë pjesë e Europës së bashkuar përbën një ëndërr 30-vjeçare për çdo shqiptar. Vokacioni i popullit tonë, ai perëndimor është me rrënjë historike. Motoja e rilindasve tanë: në Shqipëri dielli lind aty ku perëndon, flet shumë për perëndimin si prirje natyrale e shqiptarëve”, vuri në dukje Peleshi.

Ministri po ashtu bëri të ditur se “jemi përpjekur të tejkalojmë çdo kufizim të burimeve njerëzore dhe logjistike për të qenë partnerë të vyer në NATO. Dhe shprehja më e qartë e përpjekjeve tona, tha ai, është pjesëmarrja pa asnjë hetizim në çdo operacion dhe mision ku kanë shkuar trupat aleate”.

“Kemi qenë në krah të aleatëve duke dëshmuar se forca e një kombi qëndron më shumë te vlerat e tij se sa të numri i popullsisë“, u shpreh ministri.

“E thënë qartë e gjithë puna e 12 viteve si anëtar me të drejta të plota në NATO për të arritur standardet e kërkuara do të testohet sot. Nuk kam as më të voglin dyshim se puna kolosale do të shpërblehet dhe Shqipëria do të dalë faqebardhë nga kjo sprovë jo e lehtë. “Defender Europe 21” dëshmon për vëmendjen dhe përkushtimin që Aleanca dhe në mënyrë të veçantë SHBA kanë për rajonin tonë“, deklaroi ministri i Mbrojtjes.

Kjo stërvitje, tha ai, është një mesazh i qartë për popujt e Ballkanit se e ardhmja e tyre e vetme është integrimi i plotë në strukturat euroatlantike.

“Çdo hezitim e devijim përtej kësaj rruge është thjeshtë humje kohe. Por kjo stërvitje është edhe një mesazh se për forcat rivale të vlerave tona të përbashkëta. Falenderoj SHBA që zgjodhën Shqipërinë si përçuese e këtyre mesazhe strategjike”, tha ministri.

Ministri inkurajoi Forcat e Armatosura, vajzat e djemtë tanë me uniformë të japin maksimumin e tyre në këtë sfidë .

“Jam i bindur se kjo stërvitje do të shkruajë një faqe të re në historinë e lidhjes transatlantike por edhe në miqësinë me SHBA. Do të qëndrojmë krah për krah”, tha ai.

Ambasadorja e SHBA-ve në Shqipëri, Yuri Kim tha se kjo është një ngjarje historike për rajonin dhe për angazhimin e Shqipërisë në NATO.

“Kjo stërvitje historike besoj është fillimi i gjërave edhe më të mëdha që do vijnë, do stërvitemi më shpesh e do punojmë edhe më afër. Mbetemi krah për krah me ju sot nesër e përgjithmonë”, u shpreh diplomatja amerikane.

“Cfarë dite të lavdishme kemi përpara nesh. Në këtë ditë historike përgëzoj FA dhe Ministrine e Brendshme poer orgainizmin e ceremonisë.

Jemi të nderuar që bashkohemi me ju në këtë aktivitet për nisjen e stërvitjes Defender Europe 21.

Përreth rajonit vihet re që Shqipëria është pjesë e më shumë aktiviteteve se cdo vend në rajon. Nuk është rastësore.

Së pari roli i Shqiperise në aleancë është më i rëndësishem se kurrë.

Shqiptarët kanë luftuar prane nesh krah për krah në konflikte të shumta përreth globit,kurrë s’do i harrojmë sakrificat tuaja e gjihtmone do u jemi mirenjohes qe kur Amerika ka nevoje per ju, kur aleantet, NATO është aty e Shqipëria është gjithmonë krah nesh.

Ambasadorja Yuri Kim: “Defender Europë 21″, stërvitje historike! Është fillimi i gjërave edhe më të mëdha që do vijnë

E njohim trimërinë tuaj e jemi të nderuar tu quajmë aleatët tanë.

Shqiperia është vend i vecantë, me vendndodhje strategjike, si anëtare e aleancës ofron nje vend bazë të rëndësishme që i jep munesine NATO e SHBA për tu përgjigjur emergjencave e krizave rajonale shpejt e ne menyre efektive.

“Defender” pergatit per kete koncept, demontron aftesine per te hyrë në Evropen Juglindore përmes Shqiperise e për të pritur forca shumëkombëshe.

S’keni hezituar kurrë të ofroni trupat apo të prisni aleatët në vendin tuaj.

Na e keni treguar potencialinj strategjik e taktik, ju kemi dëgjuar e jemi këtu. Jemi mirënjohës për mikpritjen, partneritetin e kurajën tuaj.

Stervitje histiorike. Ky operacion mbeshtetes demonstron aftesine e SHBA-se për të dërguar forca ushtarakke strategjikisht në vendin ku duhet e për ta bërë këtë shpejt. Pergatitja jone per kete koncept na kujton qe perkushtimi i SHBA ndaj NATO është i hekurt”, tha ambasadorja.

Në ceremoninë e nisjes së stërvitjes ushtarake ”Defender Europe 21”, në fjalën e tij kryeministri Edi Rama e ka quajtur një moment historik për marrëdhëniet me NATO-n.

Kreu i qeverisë u shpreh se ky është një moment historik që na mbush me krenari, por dhe me përgjegjësi.

”Kam bindjen se kjo stërvitje është shumë më tepër se sa një moment i rëndësishëm i të gjithë punës së përbashkët në funksion të rritjes dhe demonstrimit të kapaciteteve tona, sepse besoj që kjo stërvitje është dhe një tjetër pikë e rëndësishme në ngjitjen e mëtejshme të marrëdhënieve tona në pikën më të lartë. Ne vazhdimisht i vlerësojmë këto marrëdhënie si të shkëlqyera, por fakti është se ato mund të jenë gjithmonë e më të shkëlqyera falë një besimi të madh dhe një ndërveprimi reciprok të vazhdueshëm.

Gjenerata jonë në gjysmën e jetës u rrit me idenë se ju nuk duheshit lënë kurrë të shkelnit në këtë vend dhe ne të gjithë u brumosëm nga propaganda e regjimit të shkuar, me bindjen se ju jeni e keqja më e madhe që mund t’i ndodhë mbarë botës, dhe realisht për gjeneratën tonë është një mrekulli e madhe që e ka ndarë jetën mes dy botëve, të asaj bote të errët e të izoluar, dhe kësaj bote ku ne mund të mirëpresim me shumë krenari dhe shumë respekt miqtë dhe partnerët të shumtë, dhe mbi të gjitha miqtë amerikanë.

Dua shumë të besoj që pas zbarkimit tuaj në Shqipëri dhe juve do t’u ndodhë ajo që iu ndodh të gjithëve kur vijnë në Shqipëri, që do të doni të riktheheni sërish në Shqipëri. E fundit që dua të them është se besoj që ajo ka që ne të gjithë së bashku duhet të mbajmë parasysh është detyrimi për t’ju përcjellë gjeneratave të reja, këtë amanet kaq të rëndësishëm për të ardhmen e vendit, por dhe të botës së madhe të popujve që duan të jetojnë në liri dhe demokraci.

Amanetin e kësaj marrëdhënie strategjike për lirinë dhe demokracinë, duke u investuar së bashku që të bëjmë edhe më shumë për brezin e ri në të gjithë aspektet dhe t’u japim mundësinë që të edukohet qysh në krye të herës me parimet dhe standardet shumë të larta të forcave të armatosura të NATO-s.

Është vërtetë një moment historik, që na mbush me krenari, por dhe me përgjegjësi. Do të qëndrojmë krahë jush si një vend që nga pikëpamja numerike nuk i ofrojmë shumë kësaj aleance, por nga pikëpamja e vlerave që e bëjnë këtë aleancë unikale për botën, ne dëshirojmë të jemi gjithnjë e më të denjë e më të vyer brenda kësaj aleance. Stërvitje unikale për gjithë historinë e marrëdhënieve tona, që shpresoj se do të pasohet nga të tjera, për t’i dhënë gjithë rajonit një mesazh të qartë”, u shpreh Rama.

Presidenti i Republikës, Sh. T. Z. Ilir Meta, njëkohësisht edhe Komandanti i Forcave të Armatosura të Republikës së Shqipërisë në Ditën e Vizitorëve të Shquar në portin e Durrësit, përshëndeti stërvitjen e përbashkët të vendeve anëtare të NATO-s, “Immediate Response 21” (Defender Europe 21).

Në fjalën e Tij përshëndetëse duke iu drejtuar Kryetarit të Kuvendit,  Kryeministrit, Ministrit të Mbrojtjes, Ambasadores amerikane Kim, Komandatit të Forcave amerikane në Europë dhe Afrikë Gjeneralit Christopher Cavoli, Gjeneralit Wolters të SACEUR-it, Shefit të Shtabit të Përgjithshëm Gjeneral Major Begajt, atasheve ushtarakë dhe drejtuesve të 26 forcave nga vendet aleate të NATO-s, 31 mijë ushtarakëve dhe trupave pjesëmarrësve në këtë stërvitje të jashtëzakonshme 31 mijë Presidenti Meta u shpreh:

“ Kjo stërvitje nëpërmjet demonstrimeve detare, që do të ndjekim sot është vetëm një pjesë nga stërvitja e madhe me pjesëmarrjen e të gjitha llojeve të forcave të luftimit, si dhe atyre mbështetëse të koduar ‘Defender Europe 21’.

Kjo stërvitje ushtarake me trupa e mjete që përfshin tre komponentët: tokësorë, detarë dhe ajrorë që drejtohet nga Komanda Ushtarake Amerikane në Evropë dhe është  hera e parë  që Organizata e Traktatit të Atlantikut të Veriut (NATO) ka zhvilluar ndonjëherë në këto përmasa në  Shqipëri dhe në Rajon dhe për këtë ne, jemi shumë mirënjohës.

May be an image of 1 person and standing

Shqipëria, si vend anëtar i NATO-s, ndihet  shumë e vlerësuar, për faktin se i është besuar kjo përgjegjësi madhore e vendit pritës për një nga stërvitjet më të mëdha në këtë rajon, rol të cilin  vendi ynë, Forcat e Armatosura dhe gjithë strukturat shtetërore, jam i bindur që do ta justifikojë plotësisht.

NATO-ja është Aleanca e madhe Euroatlantike e lirisë në botë dhe besimi i popullit shqiptar dhe mbështetja ndaj saj ka qenë dhe është unanime, ashtu sikundër vokacioni për përkatësia jonë evropiane.

Miqësia e fortë midis dy kombeve tona është shumë më e hershme sesa vetë periudha e shtetit shqiptar, për të cilin SHBA-të janë investuar shumë për ta njohur.

Ajo daton edhe me herët sesa poeti i madh amerikan Henry Longfellow, ti thurte një nga poemat e tij më të bukura dhe plot adhurim heroit tonë kombëtar Gjergj Kastriot Skënderbeu, mbrojtësit të Evropës nga barbarët.

Ne do të vazhdojmë në rrugën e lirisë dhe të qytetërimit evropian, dhe për këtë një garanci e fortë është përkatësia jonë me Aleancën Euroatlantike, si Aleanca me e madhe e lirisë dhe e demokracisë në botë, tha kreu i shtetit z. Ilir Meta.

© Argumentum