Luiz Inácio Lula da Silva i Brazilit është betuar si president në kryeqytetin, Brasilia, duke marrë detyrën për herë të tretë.
Politikani veteran i krahut të majtë, i njohur gjerësisht si Lula, gjithashtu udhëhoqi vendin midis 2003 dhe 2010 dhe mundi Jair Bolsonaro tetorin e kaluar.
Në një fjalim, ish-punëtori i fabrikës premtoi se do ta çojë Brazilin në një kapitull të ri të mbrojtjes së mjedisit dhe përparimit social me atë që ai e quan një qeveri “racionale demokratike”.
E majta mundi Bolsonaro-n e ekstremit të djathtë në votimin e 30 tetorit me më pak se 2 pikë përqindjeje. Për muaj të tërë, Bolsonaro kishte mbjellë dyshime për besueshmërinë e votës elektronike të Brazilit dhe mbështetësit e tij besnikë hezitonin ta pranonin humbjen.
Pas zgjedhjeve, presidenti i zgjedhur javët e fundit theksoi se do të qeverisë për të gjithë dhe se është i nevojshëm bashkimi i vendit.
Lula da Silva rikthehet në presidencë me një agjendë të fokusuar në programe të forta sociale, që synojnë luftën kundër varfërisë, nën moton “Bashkim dhe rindërtim”.
