Gjykatësi i procedurës paraprake me kërkesë të Prokurorisë Publike u ka shqiptuar masën 30-ditore të paraburgimit ish-ministrave Mile Janakieski dhe Spiro Ristevski, të dyshuar për organizimin e ngjarjeve të përgjakshme të 27 prillit të vitit 2017 në Maqedoninë e Veriut.
Paraprakisht në gjykatë për këtë rast mbrëmë ishte i thirrur edhe ish-kreu i Kuvendit Trajko Veljanoski, por ai raportohet të jetë thirrur në imunitetin e deputetit dhe ka lëshuar gjykatën. Ndërsa nuk përjashtohet mundësia që gjatë ditës së nesërme do të kërkohet nga Kuvendit që t’i hiqet imuniteti.
Përveç Mile Janakieskit dhe Spiro Ristovski, Prokuroria për krim të organizuar dhe korrupsion ka hapur procedurë hetimore edhe për tre persona të cilët gjithashtu janë të dyshuar për organizim të ngjarjeve të 27 prillit në Kuvendin e Republikës së Maqedonisë, gjegjësisht siç u cek më lartë për ish kreun e Kuvendit, Trajko Veljanovski, i cili duke shfrytëzuar imunitetin e deputetit u lirua pas bisedës në Gjykatën Penale, ndërsa dy personat e tjerë të dyshuar sipas informacioneve jozyrtare janë ish- kryeministri Nikolla Gruevski, ish-agjenti i DSK-së Nikolla Boshkovski. Gruevski mbetet në arrati në Budapest, kurse Boshkovski në Greqi.
