Në javën e parë në detyrë, kryeministri i ri i Greqisë, Kyriakos Mitsotakis ka pritur në takim kreun e Kishës Ortodokse Shqiptare, Anastas Janullatos.
Pas takimit të zhvilluar në Athinë, Mitsotakis ka deklaruar se i ka dhënë mbështetje Kryepeshkopit për trajtimin e atyre që ai i quan “problemet e Kishës Ortodokse të Shqipërisë” – raporton TCH
Kryeministri Mitsotakis u shpreh: “Me Kryepeshkopin fisnik të Tiranës, Durrësit dhe të gjithë Shqipërisë, Anastas. Ai ka të gjithë mbështetjen time në përpjekjet e tij për të trajtuar problemet e KO të Shqipërisë dhe për të siguruar funksionimin dhe zbatimin e duhur të punës së saj”.
