Hetem Qerimaj, “Mjeshtri i Madh” i violinës, është ndarë nga jeta në moshën 88-vjeçare.
Lajmi u bë i ditur nga djali i tij, Fatos Qerimaj, që njoftoi për humbjen e njeriut të tij të dashur.
“Te nderuar miq, me dhimbje ju njoftoj ndarjen nga kjo jete te babit tim te dashur Hetem Qerimaj. Zoti e pranofte ne parajse”, shkroi ai.
Violina e ka shoqëruar “Mjeshtrin e Madh” përgjatë gjithë jetës. Ai ka qenë aktiv deri vonë dhe në 85-vjetorin e tij mbajti një koncert të titulluar “Harku i Triumfit të Qerimajve” në Amfiteatrin e Liqenit, së bashku me breza të tjerë artistësh nga e njëjta familje.
