Role mishi nga Madagaskari, qafa derri nga Laosi, qebap pule nga Lesoto! Jo shija, por politika është ajo që përcakton menynë në restorantin “Korcagin” në Beograd, i cili shërben ushqime vetëm nga vendet që nuk e njohin Kosovën shtet të pavarur.
Në një reportazh të agjencisë së lajmeve “AFP”, bërë një fundjavë të kohëve të fundit, familjet serbe mbushën lokalin për të shijuar jo kuzhinën tradicionale ballkanase të rënduar me mish, por karkaleca deti me salcë portokalli.
Ajo faturohej si një pjatë kombëtare e Palaut, një arkipelag shumë pak i njohur në oqeanin Paqësor, që muajin e kaluar u bë vendi i fundit në botë që revokonte njohjen e Kosovës.
Deri më tani, kuzhinierët kanë përgatitur më shumë se 70 pjata të huaja, duke preferuar më së shumti ato vende që e kanë njohur fillimisht e më pas kanë tërhequr njohjet e shtetit të Kosovës. Çuçiç, i cili e ka trashëguar restorantin prej të atit, thotë se është i motivuar nga patriotizmi.
“Nëse Shtetet e Bashkuara do të tërhiqnin njohjen, do të ofronim 3 ditë pije falas”, thotë ai duke buzëqeshur.
