Ministri i Brendshëm, Sandër Lleshaj reagon pas situatës së tensionuar të krijuar sot në afërsi të gjimnazit “Petro Nini” në kryeqytet, ku përmbaruesit kishin shkuar të shembnin një banesë, tokën e të cilëve do ta merrnin ish pronarët.
Gjatë protestës banorët u përplasën me policinë, ndërsa ministri i kritikoi këta të fundit, duke thënë se në këtë rast policia nuk u tregua dinjitoze dhe efikase.
“Mirëkuptim të plotë për reagimet ndaj pranisë së Policisë Shtetit në ekzekutimin e një veprimi përmbarimor, mbi një vendim gjykate të formës së prerë.
PSH ka detyrimin ligjor të mbështesë përmbarimin, por ka edhe detyrimin të jetë dinjitoze dhe efikase. Kjo s’ka ndodhur në këtë rast!”
