Deputeti i PS, Pjerin Ndreu nga foltorja e Kuvendit u tërhoqi sot vëmendjen mediave.
Teksa foli për grabitjen e Rinasit, Ndreu u shpreh se nuk kanë logjikë panelet televizive për krimin, duke iu referuar emisioneve të ndryshme dhe sipas tij kjo nuk ndodh në asnjë vend të botës.
Deputeti theksoi se kjo nuk ndikon pozitivisht në punën e policisë dhe u bëri atyre thirrje të heqin dorë nga kjo metodë.
“5 panele për çdo krim kjo nuk ndodh në botë. Të heqin dorë se po mundohen të dekurajojnë. Zbulimi i krimit, nuk është kjo mënyrë. Lufta kundër krimit bëhet me koalicione shtetërore dhe jo shtetërore. Nuk është e mundur që policia të ketë barrën e plotë të luftës anti-krim”, tha Ndreu.
