Presidentja meksikane, Claudia Sheinbaum ka sugjeruar riemërtimin e jugut të Shteteve të Bashkuara të Amerikës “Amerika Meksikane” në përgjigje të propozimit të presidentit të sapozgjedhur të SHBA-së, Donald Trump i cili këkonr të ndryshojë emërtimin e Gjirit të Meksikës në Gjirin e Amerikës.
Sheinbaum e bëri shakanë në konferencën e saj të përditshme për shtyp të mërkurën, duke iu referuar sesi emërtimi i gjirit u shfaq në hartat botërore në shekullin e XVII.
“Pse nuk e quajmë Amerikë meksikane? Tingëllon mirë, apo jo?”, tha ajo.
Një ditë më parë, Trump e përshkroi propozimin e tij për Gjirin e Amerikës si të kishte një unazë të bukur.
Deri në Luftën Meksiko-Amerikane në shekullin e XIX, shtetet aktuale amerikane si Kalifornia, Arizona dhe Teksasi ishin pjesë e Meksikës.
Emërtimi – Gjiri i Meksikës për bregun jugor të SHBA-së dhe bregun lindor të Meksikës ka qenë në përdorim që nga shekulli i XVI.
Politikania e majtë dhe ekspertja e klimës, Sheinbaum u bë gruaja e parë në postin e presidentit të Meksikës në tetor.
Paraardhësi dhe mentori i saj politik, Andrés Manuel López Obrador, ishte president gjatë mandatit të parë të Trump nga 2017 deri në 2021.
Pavarësisht paralajmërimeve të Trump për tarifa ndëshkuese kundër Meksikës dhe tensioneve që rrethojnë migrimin, paraardhësi i Sheinbaum mbajti një marrëdhënie mjaft të mirë me të.
Trump do të betohet si president i SHBA-së për herë të dytë më 20 janar.
