Mobilizimi i pjesshëm pothuajse ka mbaruar, do të përfundojë për rreth dy javë. Deri tani 222,000 burra nga rreth 300,000 janë thirrur tashmë për shërbimin ushtarak, tha presidenti rus Vladimir Putin për mediat të premten.
“Kjo punë tashmë është duke përfunduar. Tani janë mobilizuar 222.000 burra nga 300.000. Mendoj se të gjitha aktivitetet e mobilizimit do të përfundojnë brenda rreth dy javësh,” tha ai.
Putin shtoi se ai nuk e sheh nevojën për zgjerimin e mobilizimit të pjesshëm në të ardhmen e parashikueshme. “Së pari, Ministria e Mbrojtjes fillimisht kishte një vlerësim më të ulët, jo 300.000 mijë. Së dyti, nuk ka plane shtesë. Asnjë propozim nga Ministria e Mbrojtjes nuk është marrë në këtë drejtim. Në një të ardhme të parashikueshme, nuk shoh ndonjë nevojë.” deklaroi ai.
Putin tha se gabimet e bëra gjatë mobilizimit të pjesshëm ishin për shkak të metodave të vjetruara të regjistrimit. Tani baza e të dhënave po përditësohet.
“Vetëm kur filluan të merren këto masa mobilizimi, cilësia e metodave të regjistrimit u bë e qartë. Baza e të dhënave tani po rishikohet mbi një bazë moderne. Ajo do të jetë sa më autentike. Dhe cilësia e saj duhet të përmirësohet,” shpjegoi Putin.
/Argumentum.al
