Kryeministri Edi Rama pas takimit të së martës me Sekretarin Amerikan të Shtetit Antony Blinken tha se janë diskutuar shumë tema dhe çështje që lidhen me ecurinë e reformave në Shqipëri.
“Diskutuam bashkëpunimin në Këshillin e Sigurimit, rajonin, ecurinë e reformave në Shqipëri dhe në përgjithësi prekëm të gjitha temat që janë të rëndësishme për këtë marrëdhënie, përfshirë temat e përbashkëta të aleancës së NATO-s”, tha Rama për Zërin e Amerikës.
Është një proces kur dy vende bëhen bashkë për të trajtuar një ose disa dosje specifike dhe SHBA-ja i propozoi Shqipërisë bashkëpunim në Këshillin e Sigurimit, tha Rama, i cili shtoi se u pranua me kënaqësi. “Kjo na jep mundësinë të luajmë një rol të veçantë në Këshillin e Sigurimit.
Sipas tij, Ukraina nuk është çështje e Shqipërisë por e gjithë botës, e OKB-së. “Ne do të kemi palën amerikane në këtë proces dhe vendimmarrësi do të jetë SHBA. Ministria e Evropës dhe e Jashtme ka marrë masa për shqiptarët në Ukrainë pasi kemi disa shtetas shqiptarë që janë pjesë e misionit të OSBE-së dhe vazhdojnë. të jemi aty”, tha Rama.
