Kjo e hënë shënoi numrin më të lartë të personave të infektuar me COVID-19 në Shqipëri duke u ngjitur në kulmin e 178 rasteve të reja, sipas buletinit mjekësor të përditshëm.
“Gjatë 24 orëve të fundit janë kryer 947 testime në vend. Numri i testeve të kryera përfshin teste në dy laboratorë publik, të cilët bënë 749 teste dhe 198 testime janë bërë në laboratore jopublike,” tha Eugena Tomini nga Instituti i Shëndeti Publik (ISHP) .
Aktualisht në Spitalin e Sëmundjeve Infektive dhe Spitalin “Shefqet Ndroqi” 151 pacientë të konfirmuar pozitiv me COVID-19 janë duke u trajtuar dhe 15 janë në terapi intensive nga të cilat 5 pacientë janë intubuar.
Ju informojmë se në të dy spitalet COVID ka gjithashtu shërbim të specializuar 40 qytetarë që kanë qenë pozitivë me COVID-19 dhe aktualisht janë negativë, por po vazhdojnë të marrin trajtimin spitalor për pasojat e sëmundjes. Pacientët që dyshohet se kanë COVID19 vazhdojnë të trajtohen, sipas protokolleve përkatëse “, tha Tomini.
Në ndërkohë ajo njoftoi se përkundër përpjekjeve të mjekëve, për fat të keq, një 57-vjeçar dhe një 75-vjeçar nga Tirana, një 72-vjeçar nga Durrësi dhe një 88-vjeçar nga Kruja, me sëmundje shoqeruese , nuk mund të fitonin betejën me sëmundjen në dy spitalet COVID në Tiranë.
Statistikat e COVID-19 në 24 gusht 2020 janë si vijon: Testet totale 57,004; raste pozitive 8605; pacientët e shëruar 4,413; Rastet aktive 3,938 dhe viktimat 254.
