Fjalimi i presidentit ukrainas Volodymyr Zelensky për shkak të situatës në në Centralin Bërthamor Zaporizhzhia
Termocentrali më i madh bërthamor në Evropë është në flakë. Tani për tani, tanket ruse po qëllojnë mbi njësitë bërthamore. Këto janë tanke të pajisura me imazhe termike. Dmth ata e dinë se ku po gjuajnë, ata janë përgatitur për këtë!
I bëj thirrje të gjithë ukrainasve, të gjithë evropianëve. Për të gjithë njerëzit që e njohin fjalën “Çernobil”. Kush e di sa pikëllim dhe viktima shkaktoi shpërthimi në termocentralin bërthamor. Ishte një katastrofë globale. Qindra mijëra njerëz luftuan me pasojat e saj. Dhjetëra mijëra njerëz u evakuuan. Rusia dëshiron ta bëjë përsëri. Dhe tashmë përsëritet. Por gjashtë herë më shumë!
Europianë! Zgjohuni, të lutem! Flisni me politikanët tuaj! Trupat ruse po qëllojnë mbi termocentralin bërthamor në Ukrainë. Termocentrali bërthamor Zaporizhzhia, qyteti i Energodar. Ka gjashtë njësi të energjisë. Gjashtë! Një njësi energjie shpërtheu në Çernobil.
Ne kontaktuam drejtuesit, partnerët tanë. Kam biseduar me Charles Michel, me Scholz, kam folur me Duda, kam biseduar me Presidentin Biden. Ne kontaktuam Drejtorin e Përgjithshëm të IAEA Grossi dhe kryeministrin Johnson. Ne i paralajmërojmë të gjithë.
Asnjë shtet, përveç Rusisë, nuk ka qëlluar ndonjëherë mbi njësitë e energjisë bërthamore. Për herë të parë në historinë tonë, në historinë e njerëzimit, shteti terrorist i është drejtuar terrorit bërthamor.
Propagandistët rusë i kërcënuan të gjithë, kujtojmë, të mbulojnë botën me hirin bërthamor. Tani nuk është një kërcënim, tani është një realitet.
Nuk e dimë se si do të përfundojë zjarri në stacion. Kur do të ketë ose nuk do të ketë një shpërthim, – askush nuk mund ta parashikojë këtë me siguri. Por njerëzit tanë e kanë mbajtur gjithmonë të sigurt termocentralin bërthamor, që të mos ketë provokime, që askush të mos e kap stacionin, ta minojë dhe pastaj të shantazhojë gjithë botën me një katastrofë bërthamore.
Ushtria ruse duhet të ndalet menjëherë! U bërtisni politikanëve tuaj. Ukraina ka 15 njësi bërthamore. Nëse ka një shpërthim, ai është fundi i gjithçkaje. Fundi i Evropës. Ky është evakuimi i Evropës. Vetëm veprimi i menjëhershëm evropian mund të ndalojë trupat ruse. Mos lejoni vdekjen e Evropës nga katastrofa në termocentralin bërthamor.
/Argumentum.al
