E Ngarkuara me Punë e Shteteve të Bashkuara të Amerikës në Shqipëri, Nancy VanHorn u takua sot me Kryepeshkopin e sapo fronëzuar të Tiranës, Durrësit dhe gjithë Shqipërisë, Joan Pelushi.
Në këtë takim Van Horn i përcolli Kryepeshkopit Joan urimet për rolin e ri si udhëheqës i Komunitetit Ortodoks të Shqipërisë.
Ata diskutuan mbi rolin jetik të komuniteteve fetare dhe rëndësinë e vazhdimit të historisë së pasur të harmonisë ndërfetare në Shqipëri, njoftoi sot ambasada e Shteteve të Bashkuara të Amerikës në Shqipëri.
