Në një mesazh në facebook, Kreu i Shtetit i bën thirrje të gjithë familjarëve dhe fëmijëve, të cilët me apo pa arsye kanë braktisur shkollën, t’i rikthehen asaj sa më parë.
“Prioriteti kryesor i një shoqërie, që ka besim tek e ardhmja plot sfida, është vetëm duke investuar në dije dhe arsim tek gjenerata më e re. Ky është investimi më i sigurtë për të ardhmen tonë europiane. Vetëm kështu ne mund të rrisim shpresën dhe besimin se do t’i kapërcejmë me sukses sfidat e së ardhmes, në radhë të parë në interesin e fëmijëve tanë, të cilët janë drita e syve, shpirti dhe zemra e çdo familjeje shqiptare, dhe e shoqërisë sonë”, shkruan ndër të tjera Presidenti i Republikës.
Kryeministri Edi Rama e ka nisur mëngjesin me një postim të pazakontë. Duke uruar nxënësit që sot u drejtohen bankave të shkollave, Rama publikon 10 fëmijë me rezultate të shkëlqyera.
“MIRËMËNGJES dhe me këta 10 yje që shkëlqejnë me shembullin e tyre në çdo lëndë mësimi, ju uroj të 455 mijë nxënësve nga klasa e parë në të dymbëdhjetën, mësuesve e prindërve të tyre në të gjithë Shqipërinë, një Vit të Ri Shkollor sa më të mbarë” – shkruan Edi Rama teksa poston fotot e mëposhtme.
Kryetari i Kuvendit, Gramoz Ruçi ditën e sotme që përkon me nisjen e vitit të ri shkollor, ka zgjedhur të vizitojë shkollën e mesme Profesionale ‘Petro Sota’ në Fier.
Më anë të një mesazhi dhënë nga kjo shkollë, Ruçi u ka uruar nxënësve një vit të mbar si dhe ka bërë nderime për mësuesit.
“Shkolla “Petro Sota” përgatit numrin më të madh të profesioneve. Nderim mësuesve të mësonjëtoreve të Shqipërisë. Arsimi profesional nxit punësimin e rinisë. Punësoni më shumë vajza e djem. Më shumë të ardhura për gratë e vajza” kanë qenë disa nga mesazhet e Ruçit nga Fieri.
Kryetari i bashkisë së Tiranës, Erion Veliaj ka zgjedhur t’i urojë të nxënësit e mësuesit për fillimin e vitit të ri shkollor duke publikuar pamjet nga shkolla më e re “Servete Maçi”.
Përmes një postimi në rrjetet sociale, Veliaj shton se në Tiranë “janë gati 300 institucione arsimore: shkolla, kopshte e çerdhe, me kushte bashkëkohore & infrastrukturë model”.
Postimi i plotë i Veliajt
Urime në këtë vit të ri shkollor!
Po i japim dorën e fundit shkollës më të re dhe më të bukur “Servete Maçi”.
Ndërkohë që janë gati 300 institucione arsimore të Tiranës: shkolla, kopshte e çerdhe, me kushte bashkëkohore & infrastrukturë model.
Suksese
Urime në këtë vit të ri shkollor!
Po i japim dorën e fundit shkollës më të re dhe më të bukur “Servete Maçi”.
Ndërkohë që janë gati 300 institucione arsimore të Tiranës: shkolla, kopshte e çerdhe, me kushte bashkëkohore & infrastrukturë model.
Suksese
1136:07 PM – Sep 15, 2019Twitter Ads info and privacy33 people are talking about this
