Presidenti i Serbisë, Aleksandar Vuçiq, ka thënë sonte se Serbia përballet me sfida të vështira sa i përket Kosovës dhe ka theksuar se nëntë shtete e kanë tërhequr njohjen e Kosovës dhe se e dhjeta është ende në pritje.
Vuçiq në konferencën vjetore për shtyp theksoi se 106 shtete nuk e njohin pavarësinë e të ashtuquajturës Kosovë, 84 e pranojnë pa mëdyshje dhe tre shtete “nuk e kanë të qartë”.
“Ne kemi nëntë vende që kanë tërhequr njohjen – Somalia, Burkina Faso, Gaboni, Eswatini, Libia, Guinea, Antigua dhe Barbuda, Maldivet, Shën Lucia dhe ne jemi duke pritur për të dhjetën”, tha Vuçiq.
Siç shtoi ai, “ne donim paqen dhe mezi e ruajtëm atë”.
Asnjëherë nuk kemi provokuar askënd, përveç nëse disa thonë se nuk është vokacion që i kemi mbrojtur qytetarët tanë dhe se për ne është territor i Serbisë dhe nuk do të kemi turp për Kushtetutën tonë dhe popullin tonë”, tha Vuçiq.
Ai shtoi se “ne nuk po ikim nga të gjitha marrëveshjet që kemi nënshkruar, por shqiptarët po ikin nga të gjashtë dhe nuk mund të respektojnë asnjërën prej tyre”.
Duke iu përgjigjur pyetjes për Kosovën, ai tha se Serbia është e gatshme të diskutojë kompromise dhe se Beogradi pret ardhjen e këshilltarit të lartë të Departamentit Amerikan të Shtetit, Derek Scholl, më 11 apo 12 janar, e më pas ardhjen e ndërmjetësuesve nga Evropa.
“Ne i përmbahemi Kushtetutës sonë, kjo është gjithçka që mund të them dhe gjithçka tjetër jemi gati të diskutojmë zgjidhje të panumërta kompromisi, por ato duhet të jenë zgjidhje kompromisi, jo poshtërim,” tha presidenti.
./Argumentum.al
