Presidenti Volodymyr Zelensky iu drejtua kombit mes thirrjes së Rusisë për të vendosur trupat e saj në territoret e pushtuara të Donbasit për operacione “paqeruajtëse”.
Zelensky tha se Ukraina kërkoi një takim urgjent të Këshillit të Sigurimit të Kombeve të Bashkuara dhe shtoi se misioni monitorues i OSBE-së në Ukrainë duhet të vazhdojë punën e tij për të parandaluar provokimet dhe përshkallëzimin e mëtejshëm.
Zelensky gjithashtu inicioi një takim urgjent të vendeve të Formatit të Normandisë – Gjermanisë, Francës, Ukrainës dhe Rusisë.
“Tani është shumë e rëndësishme të shohim se kush është miku dhe partneri ynë i vërtetë dhe kush do të vazhdojë të ‘frikësojë’ Federatën Ruse me fjalë”, tha Zelensky.
Ai shtoi se kufijtë e vendit janë të mbrojtur mirë dhe se Ukraina rezervon të drejtën për të mbrojtur veten nga agresioni i mëtejshëm rus.
“Ne jemi në tokën tonë. Ne nuk kemi frikë nga asgjë dhe nga askush. Ne nuk i kemi borxh askujt. Dhe ne nuk do të heqim dorë nga asgjë.”
<iframe width=”810″ height=”456″ src=”https://www.youtube.com/embed/Cm8Ri6KnFq8″ title=”YouTube video player” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture” allowfullscreen></iframe>
Më herët, më 21 shkurt, Zelensky thirri mbledhjen e Këshillit të Sigurisë Kombëtare dhe Mbrojtjes pas njohjes nga Kremlini të territoreve të pushtuara nga Rusia të Donbasit lindor si shtete të pavarura.
Menjëherë pas kësaj, presidenti rus Vladimir Putin urdhëroi vendosjen e trupave ruse në Donbas për të kryer operacione “paqeruajtëse” dhe shtoi se Rusia po planifikon të nënshkruajë një marrëveshje bashkëpunimi me përfaqësuesit rusë në Donbas.
