Ministria e jashtme ruse ne reagimin e saj të parë zyrtare në lidhje me demarshin e vendeve anëtare të Grupit prej 7 (G7) rreth “çështjes Aleksej Navalnij” kërkojnë nga pala gjermane sigurimin e të dhënave të ekzaminimit mjekësor të Aleksej Navalnij, përfshirë informacione mbi rezultatet e studimeve biokimike, në përputhje me kërkesën zyrtare të Prokurorisë së Përgjithshme të Federatës Ruse për ndihmën juridike prej datës 27 gusht 2020.
Deklarata e Ministrisë së Punëve të Jashtme Ruse për situatën rreth Aleksej Navalnij
Në lidhje me demarshin e vendeve anëtare të Grupit prej 7 (G7) rreth “çështjes Aleksej Navalnij” deklarojmë.
Ne kërkojmë me këmbëngulje nga pala gjermane sigurimin e të dhënave të ekzaminimit mjekësor të Aleksej Navalnij, përfshirë informacione mbi rezultatet e studimeve biokimike, në përputhje me kërkesën zyrtare të Prokurorisë së Përgjithshme të Federatës Ruse për ndihmën juridike prej datës 27 gusht 2020. Pavarësisht të gjitha thirrjeve tona, Berlini nuk e konsideroi të mundshme t’u përgjigjej menjëherë dhe në mënyrë konstruktive atyre.
Mungesa e informacionit të lartpërmendur nuk u lejon agjencive ruse të zbatimit të ligjit të përdorin të gjithë mekanizmat e nevojshëm proceduralë për të përcaktuar rrethanat e incidentit. Në të njëjtën kohë, rritja e histerisë rreth kësaj çështjeje po bëhet gjithmonë më e dukshme.
Ne vërejmë se mjekët rusë gjithashtu propozojnë të vendosin një dialog të ngushtë me kolegët gjermanë për të diskutuar të dhënat e disponueshme në Rusi dhe Gjermani për gjendjen e Aleksej Navalnij. Fatkeqësisht, pala gjermane po e pengon këtë proces.
Paralelisht, në sfondin e qasjes së tillë jokonstruktive të autoriteteve gjermane, sulmet e pabazuara ndaj Rusisë po vazhdojnë. Fushata masive e dezinformimit tregon qartë se iniciatorët e saj e shohin qëllimin e saj kryesore jo në kujdesin për shëndetin e Aleksej Navalnij dhe gjetjen e arsyeve të vërteta për shtrimin e tij në spital, por në mobilizimin e politikës së sanksioneve.
https://www.mid.ru/…/asset_…/t2GCdmD8RNIr/content/id/4329088
